لو لامك حبيبك على غيرتك قلة الكلام دة

وبقوللها أيوه بغير!! أيوه بغير !!
لنا نقصان ولا ضعفان ولا مصطول ولا سكران
ولا زايغ من عينى الضى !
ولا حد أحسن منى فى شىّ ... بس بغير!!
وإللى قالولك غيرت الراجل قلة ثقه أو قله فهم
خلق حمــير !!

غيرة الراجل نار فى مراجل .. نار بتنور ما بتحرقش .
وإحنا صعايده بنستحملش !
شمسنا حاميه وعرقنا حامى وطبعنا حامى .
وإللى تخلى صعيدى يحبها يبقى يا غلبها
أصلنا ناس على كد الطيبه كلنا هيبه
والنسوان فى بلادنا جواهر .

طب لو عندك حتة ماس حتخليها مداس للناس ؟
واللا حتقفلى أوضه عليها بميت تربياس
يمكن حتى تأجرى ليها جوزين حراس
يبقى انا لانا غافل ولاجاهل
كل الفرق ما بينى وبينك إنى صعيدى
ينعل أبو دا اليوم إلليكحل
إللى طلعت لقيتنى صعيدى .

لو كان بيدى كنت أعملك هندى بريش
وأقلب شعرى كنيش كرابيش
وألبس لك سلسله مدّلدله خرزه وقلب .
بس إزاى ألبس لك سلسله هو انا كلب ؟
ثم العبره ماهيش فى الليبس
أصل المشكله مش فى الليبس
أصل المشكله عندك عندك ( عنادك )

قلت حسيبها وبكره تحس ..
بعده تحس .. ؟ دا انا لو جبس كنت زعقت .
ماشى صداقه وماشى زماله بس ماجاتشى على الرجاله ؟
ما هى نسوان الدنيا كتير وانا ما بقولشى تخاصمى الناس
ولا تتحجبى عن الرجاله ولا تعتكفى وتسكنى دير !

بس يريت حبة تقدير إنى بحبك وإنى بريدك
وإنى زرعت حياتى فى إيدك
وانى غزلت بنات الدنيا عقود على جيدك
وإنى تعبت من التفكير

وإنى بغيــــر ..

تسلم ايدك يا علاء باشا بس سدانى سعات الغيرة الزياده عن اللزوم بتبقي وحشه وبتقلب الحياة الحلوة الجميله لجحيم ومشكور كتييير علي موضوعك

نار الغيرة اصعب واجمل احساس ممكن يحس بيه حبيب بس تكون الغيره المعقوله اللى متقتلش الحب وبردة جرب نار الغيرة وقولى

جميل اوووووووووووى يا علاء
وبرضة كل حاجة وسط كويسة
واللى يزيد عن حدة ينقلب ضده

بس اللى انت كاتبه ده حلو اوى
ربنا يكرمك