يا لهوى

عندما كنت اعمل دخلت على مكتبى ام منهاره من البكاء ومعها طالبه عندى وبنفس اللفظ قالتلى الحقينى انتى بنتى تبكى منذ ايام وترفض الكلام مع اى شخص فى البيت وقالت مش هحكى غير لابلتى مكدبش عليكم انا قلت البت زعلانه من اهلها وعايزة توسطنى معاهم
واخدتها على جنب علشان تحكيلى عارفين ايه الحكايه
بنت فى ال12 من عمرها بتحب شاب عنده18 سنه وتقول بعشقه بس ديه كانت البدايه اللى الكل هيقولى عادى ما البنات كلهم بيحبوا دلوقتى
بس المشكله مش فى حبها المشكله ان الولد مسيحى وهى مسلمه
ولما مره قالتله الحل ايه قالها انا مقدرش اغير ديانتى شوفى انت ايه
البنت جايه بتسألنى كان اول رد عليها يا لهوى لاول مره لسانى يقف عن الكلام اللى ادامى عيله والله عيله
انا عملت اللى يقدرنى عليه ربنا واكيد كان لازم البيت يعرف يمكن يتحركوا بقى ويخلوا بالهم من عيالهم ويصلوا ويعلموا عيالهم الصلاه والدين
بس عارفين البت العيله ديه قالتلى جمله وهى بتتكلم قالتلى لقيت فيه حنيه مش فى بيتى
طب ايه سألت نفسى ليه عيله زى ديه ليه كنت امام ام منهاره واب محتار وبنت كل اللى يهمها حب هيروح منها وحاسه انه طاربس ما فيش حاجه طارت غير الايمان والدين والصلاه والبيت اللى المفروض يربى صح
ولا انتم شايفين ايه يا ريت تقولولى

السلام عليكم
ازيك يا رشا
موضوع كويس والبنت هنا مظلومة والمسألة مش حكاية دين او صلاة بالرغم انهم اهم حاجة بس فى
حاجة هنا البنت افتقدها فى بيت ابوها وهى الحنية مش لاقيها فى البيت شيفت دة مع الولد المسيحى واكيد دة اول ولد فى حياتهاوهو مش حب هو انجذاب لشئ هى فقدتة فى البيت
ربنا يستر

من الاخر واد البنات

يا الله ارحمنا بجد مشكله جامد
من الناحيتين
اولا مشكله الديانه وثانيا الاهل والحنيه اللى انعدمت من البيت
تفتكروا ايه السبب فى عدم الحنيه دى وده اللى بيخلونا نفكر فى الحب والحنيه والامان بره البيت
يا ترى ايه السبب
عدم الاهتمام باولاد
ولا المشاكل الزوجيه اللى اولاد مش ليهم ذنب فيها
ولا الحياه الاقتصاديه
ولا
ولا
ولا يا ترى ايه السبب
حكايه الحب دى اكيد هتنحل المشكله الكبرى بجد فى انعدام الطيبه والحنيه فى البيت
انا بسئل كل اب وام هنا
عامل ايه مع اولادك ف البيت ؟؟؟؟؟؟؟؟؟؟
وايه حجم الاهتمام والرعايه بيهم ؟؟؟؟؟؟؟؟
سورى طولت عليكم بس بجد المشكله كبيييييييييييييييييييييييره جدااااااااااااااااااااا