اتنين طرش بيكلموا بعض يا سلام يا سلام

الاول : الا قولى لو سمحت دى محطة مصر الجديدة..
التانى : ع الحديدة كفاالله الشر...
الاول : راس البر دا مصيف محترم..
التانى : الهرم اتخرم يادى النيلة...
الاول : بليلة انت جعان..
التانى : عيان ما تروح للدكتور...
الاول :اركب حنطور ما الاتوبيس بيقف قدام العمارة..
التانى : امارة هو انا لا سمح الله اتأمرت...
الاول : أتأخرت لية دى لسة الساعة تلاتة..
التانى : أستاذ شحاتة بالحضن يا راجل دى الدنيا كلها متاعب...
الاول : بتلعب فى الملاعب وانت كبير..
التانى : عايز تركب فيل فاكر نفسك هندى...
الاول : بنتى ياااادى كبرت و بقت عروسة..
التانى : محشى كويسة دا انا نفسى فية من زمان...
الاول : عايز تشرب دخان ما تقعد ع القهوة..
التانى : أستهوة لية دى الدنيا لسة حر..
الاول : السمك طلع ع البر يا حرام...
التانى : ماعنديش احترام أهو انت اللى ماعندكش ذوق...
الاول : باب اللوق يعنى مش محطة مصر الجديدة
طب سلامو عليكو