امى بتسلم عليكم

كنت قاعد كدة وبشيت لقيت الباب بيخبط روحت فنحت لقيت ابن الجيران الواد كايرو الصغير انتو اكيد عارفينة ما هو كل يوم معانافى الروم المهم خش يا كايرو قلى بعدين وقلى امى بتسلم عليكو وبتقولكو عندكو حبتين طماطم والله ضحكت من قلبى قلت فى يا كايرو ولو مفيش نزرعهلكو.....
بالله عليكو ياجماعة يالا فى المنتدى من امتى باب بيتكو مفيش حد خبط علية وقال عايز طماطم او بصل او حتى عيش ممكن حد فيكو وهو بيقرا يقول هو فى حد بيطلب الحاجت دى دلوقتى عندكو حق
بس الطلبات البسيطة دى فقدنا معها طعم الجيرة الحلوة بتاعت زمان لما كان الجار يطلب من جارة بصلة طماطمة وبعد كدة تلاقى نفس الجار بعتلك طبق بصارة او مسقعة او اى حاجة من الحاجات اللى طبخها دى كانت حياة حلوة
ودلوقتى انت بتستغرب لما جارك يخبط عليك بدون موعد مسبق او اذن
انا عارف ان زمان مكنتش الحالة الاقتصادية زى دلوقتى فواتير و ديون و اقساط واسعار نار يعنى حاجة تقرف ..زمان يا جماعة الحياة كانت بسيطة وجميلة اوى وقلوب ابسط وجملة امى بتسلم عليكو وتقول عندكو طماطم او بصل لو دققنا فى الجملة دى تحس منها بجو الالفة و البساطة والمحبة اللى كانت بين الجيران و بعضيها تحس زمن ان البيوت كأنها مفتوحة على بعض كأنها بيت واحد كبييييير
وفى مرة وانا قاعدمع ستى ام امة ومحدش يقلى اشمعنى ام امك وبتقلى عارف يا واد يا علاء زمان كان الواحد بيحس بحاجة الجار لجارة وتبعت لجارك دة ودة وكنت تلقيهم مع بعض ع طول ولو بيت عمل اكلة الكل لازم ياكل منها دلوقتى جيران جتهم خيبة قال يخبوا الحاجة من بعضيهم ...
الموضوع مش حكاية امى بتسلم عليكم ...
بس العلاقة بين الجيران مابقتش زى زمان فقدت حلاوتها فقدنا الجيرة بمعناها الجميل بجد الحياة مش ليها طعم دلوقتى بعد ما الجار استغنا عن جارة ياريت الايام دى ترجع تانى اتمنى عودة الايام الجميلة دى
المهم جبت الطماطم للواد كايرو ابن الجيران وقلتلة قول لامك ام علاء بتسلم عليكى
كلامى خلاص
بس اكيد انتو عشتوا معايا ايام و لحظات افتقدنها كتيييييييييييييير
وبقينا فى زمن الجار ميعرفش حاجة عن جارة الا اسمة ودة اذا كان عارفة من الاصل
يلا سلاااااااااااام

ماشى يا عم علاء بتسيح على الطماطم المهم مش دة الموضوع الموضوع صح يا علاء زى انت ما اتكلمت الناس زمان كانت مرتبطة شوية ببعض لدرجة الجيران كان بيدوقوا اكل بعض ومع بعض فى الفرح والحزن دلوقتى جارك بيموت وانت مش بتحس بية بس مش عرفين صح السبب فين لية الناس بتبعد وبتبنى اسوار بينها وبين بعض انا من راى ان دلوقتى خلاص مفيش طماطم خلاص بنجيبها صينى

والله يا علاء كل موضيعك جميله وفعلا كان زمان في حاجه اسمها الجيران لبعضيها والله ياكايرو زى ما انت بردو بتقول كان في  ارتباط بس كان جامد تسداوا احنا الحمد لله علي طول جرنا بيطلبوا مننا والحمد لله لو موجود بندى بس اللي غيظنى اوووووووووووووووووووووووى بصراحهاننا لو طلبنا منهم مثلا مفتاح انبوبه جزرايهيقولولك ايه اسمعوا بقي والله ما عندنا ومنحشهاش عنك والله اعلم بالنوايا يالا ربنا يجعلنا ندى منخدش ابدا يارب

مش بسيح والله يا كايرو هى دى الحقيقة وياريت ايامنا الحلوة ترجع من تانى
وشكرا على ردك
وابقا هات اية حاجة من الطبخة بتاعت الطماطم

شكرا يا مولاتى على ردك
بس واضح كدة انتى وكايرو فاكرين انى فى سوق
هو ياخد طماطم وانتى بقدونس

الله يجعل بيتك دوم ياعلاء معطاء .تعطى لكايرو بندوره وسمسمه بقدونس وانا بدى كمان طلب بسيط كتير وسهل .انى اطلب محمد منك .بعتقد طلب كتير بسيط ..ههههههههه

بجد موضوعك حلو علاء بس الناس انهارده طماعين لو اديتهم طماطميه بكره يطلبوا كيلو ومتخلصش من الخبط على الباب فاضى انت بقى للجيران ربنا يجعل بيت المحسنين عمار بس بجد الموضوع حلو وبيحصل فعلا مع كل الناس وجيرانهم

شمس ممكن تطمعى فى اكتر من كدة وتخدى ابو محمد و بلاش محمد

شكرا كتير ليكى يارشا على تعليقك
ويارب نشوفلك حاجة على المنتدى قريب

اولا السلام عليكم ورحمه الله وبركاته
انا بقأ يا سى بابا كل شويهاخبط ع الجيران واقولها
خالتى بطوط بتسلم عليكى وبتقولك هاتى ______
لسته يا معلم
الحمد لله احنا وجيرانا لسه زى زمااااااااااااااان
يعنى لسه عندنا
امى بتسلم عليكوا وبتقول _______
انت عارف بقأ
مشكور يا سيدى ع الموضوع