انت راجل تعالى و شوف

السلام عليكم
تعالى نشوف لو انت بتعمل الحاجات دة هتكون راجل ولا
1-لما تيجى تتقدم لوحدة و بعد الجواز تقولها انا اخدتك علشان فلوسك مش علشان سواد عيونك كدة تبقى راجل ها ها تبقى راجل
2-لما سيادتك تقعد فى البيت و اختك او مراتك تصرف عليك تبقى هى دى الرجولة ولا انت شايف اية
3-لما تكون قاعد فى مكان انت و اصحابك وتقول بصوت عالى انا عرفت البت دى وضحكت عليها ودى صورتها و دة رقمها و المسكينة بتحبك و دايبة فيك الله على الرجولة مش كدة
4-لما تكون ماشى فى الشارع و لابس بنطلون نازل لغاية بلاش اقول هتقولى دى موضة وانا هقلك يا سلام يا رجولة
5-لما تاخد من امك الغلبانة كام ملطوش علشان تشترى بيهم سجاير دى رجولة
6-ولما تكون فاضى طول الوقت وتيجى ميعاد الصلاة تنشغل بمليون حاجة هى دى الرجولة
7-لما تسمح لاصحابك ولو حتى من باب التهريج ودة بيحصل كتير بين الشباب ان يشتمك بامك وانت ترد بنفس الشتيمة كدة انت راجل صح
8-لما تعتمد على فلوس ابوك و منصبة كمان وتقول مش لازم اشتغل وهو اللى يصرف عليك تكون كدة راجل
9-لما امك تكلمك لمصلتحك و تشخط فيها دى تبقى رجولة مش كدة يا باشا
10-لما تقول لاصحابك الراجل دة واقف فى طريق مستقبلى وتكون قاصد ابوك وو اكتر واحد تهمة مصلحتك تبقى دى رجولة منك
11-لما تكون وسيلة التفاهم ايدك مش لسانك بكدة تكون راجل
12-لما تنكسف من شغلت ابوك اللى كبرتك و علمتك و خلتك راجل بكدة تكون انت راجل
13-لما تفكر بس مجرد تفكير ان الرجولة بالشنبات تبقى كدة راجل ما الصراصير ليها شنبات يقف عليها الصقر
14-لما تفرق فى المعاملة بين ولدك و بنتك لمجرد ان هى بنت كدة تكون راجل
15-لما تنسى بيتك وعيالك و مراتك وتلف على حل شعرك بكدة تكون راجل
16-لما تاخد حقك من زوجتك بالغصب ومن غير ما تراضيها وتقول دة حقك ورجولة منك بكدة تكون راجل
17-ولما تتخلى عن اعز صديق ليك مهماكانت الظروف كدة تكون راجل
18-لما تحط عينك على واحدة وانت عارف ان اخوك او صديقك بيحبها بكدة تكون راجل
19-ولما تصرخ وفى وش امك لترضى مراتك كدة انت راجل
20-لما تنقل سر من واحد لواحد الله على رجولتك مش كدة
21-لما تشوف بنت فى حالها وملهاش دعوة باى حد تيجى تقول عليها هى طلعة فيها اوى لية كدة ياعم الراجل انت مالك
22-لما فجأة اكتشفت انك مش بتحب مراتك بعد 10 عيال وجرحت كرامتها بكدة انت راجل
بعد كل اللى اتقرا دة فعلا تكون راجل و تستاهل ان يتقال عليك راجل
ها ها ما تردوا
يلا سلااااااااااام

كل اللى اقدر اقوله ان هو ده معنى الراجل اليومين دول وبقت كل اللى انت قلته ده عادى
يا خسارة ان كل ده بقى عادى ونسبة كبيرة قوى من الشباب كده دلوقت تكاد تكون 99.9%
افتقدنا لمعنى الرجولة اللى بجد يا خسااااااااااااااااااااااااااااااارة
وربنا يهدى

لا هى فى داهية اصلاااااااااااااا برافو علاء